Zira FK yo mu Cyiciro cya Mbere muri Azerbaijan ikinamo myugariro Mutsinzi Ange yasezereye Osiyek yo muri Croatia iyitsinze Penaliti 2-1, nyuma yo kunganya ibitego 2
3-3 mu mikino ibiri, ibona itike yo gukina ijonjora rya nyuma mu yo gushaka itike y’Amatsinda ya UEFA Conference League.
Uyu mukino wabereye muri Azerbaijan ku mugoroba wo ku wa Kane tariki ya 15 Kanama 2024 ubera muri.
Osijek yari yasuye yatangiye umukino neza ndetse ku munota wa 38 yafunguye amazamu ku gitego cyatsinzwe na Verdan Jugovic.
Igice cya mbere cyarangiye iyi kipe iyoboye umukino n’igitego 1-0 .
Mu gice cya kabiri, Zire FK yari imbere y’abafana yagarukanye imbaraga maze ku munota 55 yishyura igitego kuri Penaliti yatsinzwe na Qismat Aliyev.
Osijek yaje kubona igitego cya kabiri ku munota wa 81 cyatsinzwe Anton Matkovic.
Mbere y’uko umukino urangira Zire FK yaje kubona igitego cyo kwishyura ku munota wa 90 cyatsinzwe na Davit Volkov.
Umukino warangiye Zire FK inganyije na Osijek ibitego 2-2, hitabazwa iminota 30 y’inyongera na yo yarangiye amakipe anganyije ibitego 2-2 hitabazwa Penaliti.
Zire FK ni yo yakomeje nyuma yo gutsinda Penaliti 2-1, ibona itike yo gukina ijonjora rya nyuma rya UEFA Conference League.
Muri uyu mukino, Mutsinzi Ange yakinnye iminota 120 y’umukino.
Mu ijonjora rya nyuma rigana mu matsinda, Zire FC izakina na Omonia Nicosia yo muri Cyprus.
Umukino wa mbere uteganyijwe tariki 22 Kanama mu gihe ubwo kwishyura uzaba tariki 29 Kanama 2024.
Kryvbas Kryvyi Rih yasezerewe muri UEFA Europa League
Kryvbas Kryvyi Rih yo mu Cyiciro cya Mbere muri Ukraine, ikinamo kapiteni w’ikipe y’igihugu Bizimana Djihad yasezerewe na Viktoria Plzeň yo muri Repubulika ya Tchèque iyitsinze igitego 1-0 mu mukino wo kwishyura bisanga ibitego 2-1 yari yatsinzwe mu mukino ubanza isezererwa ku igiteranyo cy’ibitego 3-1 mu mikino ibiri.
Viktoria Plzeň yo muri Repubulika ya Tchèque yatangiye umukino isatira cyane izamu rya Kryvbas Kryvyi Rih ariko ba myugariro bakoze guhagara neza.
Igice cya mbere cyarangiye amakipe yombi anganyije ubusa ku busa.
Mu gice cya kabiri, Viktoria Plzeň yagarukanye imbaraga maze, ku munota wa 55, Daniel Vasulin atsinda igitego cya mbere.
Umukino warangiye Viktoria Plzeň itsinze Kryvbas Kryvyi Rih igitego 1-0 iyisezera ku giteranyo cy’ibitego 3-1 mu mikino ibiri.
Muri uyu mukino Bizimana Djihad yakinnye iminota 61 mbere y’uko asimbuzwa.
Nubwo Kryvbas Kryvyi Rih yasezerewe muri UEFA Europa League yakomereje mu mikino ya Kamparampaka ya UEFA Conference League aho yatomboye Real Betis yo muri Espagne.
Umukino ubanza uteganyijwe tariki 22 Kanama mu gihe uwo kwishyura uzaba tariki 29 Kanama 2024.
About The Author
Related posts:
UYU MUNSI MU MATEKA YA RUHAGO: Jude Bellingham yabonye izuba naho Brazil inyagira ubuhorande mu gikombe cy’isi
Copa America: Argentine yageze k’umukino wa nyuma (Final)
25/07 mu mateka ya Ruhago: Copa América yatashye i Brasília naho rutahizamu Kevin Phillips abona izuba
Arsenal igiye kurwanira abakinnyi babiri na Barcelona, Getafe izafata kumafaranga ya Manchester United ari uko yagurishije Greenwood muri Marseille!
Trump’s Bitcoin-Friendly Position Could Revolutionise the US
FOOTBALL: Chelsea’s boss Enzo Maresca still has work to do.
Ruhago: Musanze FC yasinyishije Salim Abdalla wakiniye URA FC na Villa SC
Milton Kalisa wa Vipers aravugwa muri Rayon Sports
