Ikipe ya FC Barcelona yatsinze Atlético Madrid ibitego 2-1 ku mukino w’umunsi wa 12 wa shampiyona ya Espagne, La Liga, wabereye kuri Riyadh Air Metropolitano i Madrid, ku Cyumweru, tariki ya 8 Ugushyingo 2026, saa 22:00 z’i Kigali (saa 21:00 zo muri Espagne).
Atlético Madrid ni yo yabanje gufungura amazamu ku munota wa 10 ibifashijwemo na Giuliano Simeone, watsinze igitego ahawe umupira na Julián Álvarez. Barcelona yaje kwishyura ku munota wa 45, igitego gitsinzwe na Fermín López, amakipe yombi ajya kuruhuka anganya igitego 1-1.
Mu gice cya kabiri, Barcelona yakomeje gusatira izamu ry'ikipe yari yakiriye umukino, maze ku munota wa 66 Fermín López atsinda igitego cya kabiri, ahawe umupira na Lamine Yamal.
Nubwo Atlético Madrid yagerageje gushaka igitego cyo kwishyura, Barcelona yakomeje kuyirusha amahirwe yo kubona ibitego, umukino urangira itsinze ibitego 2-1.
Iyi ntsinzi yafashije Barcelona gukomeza kuyobora urutonde rwa shampiyona ya Espagne, mu gihe Atlético Madrid yakomeje guhatanira imyanya ya mbere.
